MASAHE
Toke Komo Kaminda Pa Relhashon
Masahe ta un di e manieranan ku nos ta yuda e kurpa kòrda kon ta sinti pa laga bai. Tenshon ku a akumulá den músculo, postura i sistema nervioso ta haña spasio pa relahá, pa energia por flui liber atrobe.
Mi ta traha ku tres forma diferente di masahe, kada un ku su propio karakter i aplikashon. Huntu nos ta disidí kua forma ta bai mihó ku abo awor.
Ken & Pakiko
Un momentu a bin ku mi a bira konsiente di e doló diario ku mi tabata sinti den mi kurpa, doló emoshonal ku mi tabata karga ku mi, inkonsientemente ma masha sintibel den moveshon simpel. Konvensí ku no ta pa biba ku doló, mi a kuminsá skucha, sinti i siña; mi a skohe pa komprondé. E moveshonnan di kurpa, triggernan emoshonal, e sistema nervioso i regulashon di kurpa. Sinti, masahe i laga bai e doló bieu aki i emoshonnan almasená, pa mi sinti mi bon atrobe den moveshon di mi kurpa. Mi ta gusta kompartí e konosementu i eksperensia aki, pasobra ta sinti bon pa nos sinti nos bon.
Un sesion profundo kaminda nos ta laga bai tenshon di músculo i emoshon ku a keda tené huntu. Ku rosea konsiente, ehersisio di strek i masahe nos ta bai paden, pa relahashon duradero den kurpa i mente.
Ku bastón di bambu kayente mi ta traha mas profundo i mas igual dor di e músculonan, loke ku mannan so no ta posibel. Un masahe kayente i kompleto ku ta duna relahashon profundo i mihó sirkulashon di sanger.
Lesa mas tokante Masahe di Bambu
Kòrtiku, ku paña ariba i fásil pa kuminsá. Ideal pa den trabou, durante eventonan òf komo promé konosementu ku masahe: sin oli, sin kambia paña, ma ku efekto inmediato.
Lesa mas tokante Masahe riba Stul pa Empresa