BAHA
Den bo Kurpa
Bo spasio kómodo pa konsiensia di kurpa, masahe i baile na Willemstad. Aki nos ta sigui e flow di nos kurpa pa sinti nos bon.
Bon bini den un momentu unda nos por sinti kon ta realmente pa ta presente den nos kurpa. Spasio pa sinti tenshon ku a keda almasená inkonsientemente i pa ekspreshon di emoshonnan físiko.
Tal vez ku e nesesidat di relahashon profundo di un masahe terapéutiko, òf pa ekspresá bo mes via koaching di baile i workshop: nos ta krea un spasio seguro huntu. Un lugá unda nos ta sigui e idioma di bo sistema nervioso. Unda bo por simplemente Ser, Mové i Baila. Komo un invitashon pa sinti nos bon; konektá atrobe ku bo berdadero ser.
Ken & Pakiko
Mi a bira konsiente di kuantu doló mi tabata sinti kada dia den mi kurpa, doló emoshonal ku mi tabata karga ku mi, inkonsientemente ma masha sintibel den moveshon simpel. Konvensí ku no ta pa biba ku doló, mi a kuminsá skucha, sinti i siña; mi a skohe pa komprondé. E moveshonnan di kurpa, triggernan emoshonal, e sistema nervioso i regulashon di kurpa. Sinti, masahe i laga bai e doló bieu aki i emoshonnan almasená, pa mi sinti mi bon atrobe den moveshon di mi kurpa.
Tokante Somatics
Tur energia ta moveshon.
Aire, kandela i awa, pero tambe oksígeno, sanger i energia di bida. Tur esaki ta flui dor di nos kurpa, inkonsientemente i otomátikamente. Den momentunan di sosiegu, ta flui trankil den un ritmo kalmo. Den momentunan di tenshon, e presion ta subi, huntu ku e intensidat i velosidat. Inkonsientemente, komo reakshon riba bida. Den e momentunan aki, akshon i reakshon ta ràpido: e kurpa ta reakshoná i aktua, basá riba eksperensianan di promé, patronnan i kreensianan. A bes e estado natural ta bolbe tan ràpido ku e a subi. Pero a bes, pa motibu di sobrekarga, un emoshon ta keda pega, konhelá den kurpa, i e puntonan di tenshon aki ta pidi atenshon, pa wòrdu hibá bèk na neutral ku kuido tèrnu, den spasio, tempu i konsiensia. Pa transformá ku konsiensia e reakshon di loke ta inkonsiente, relahá e tenshon bèk na neutral, na e flujo natural di energia di bida, i sinti bon den e moveshon di e kurpa.
Terapia & Relahashon
Di Musculo
Ankrando nos ku nos rosea den nos ser i den e spasio, nos ta bai riba un biahe den nos kurpa ku ehersisionan di strek i moveshonnan di kolumna. Skan e kurpa ku konsiensia mientras nos ta pensa riba e kurpa emoshonal versus e kurpa físiko, sinti nos patron di pensamentu, pa restaurá e balansa den kurpa i libra doló físiko.
Den e sesionnan personal aki nos ta kontemplá ku konsiensia di kurpa e energianan den i rònt di nos. Ku kuriosidat nos ta eksplorá e kampo di memoria di e mente pa deskubrí e patronnan, kreensianan i emoshonnan ku ta wòrdu tené den e ser físiko, i asina nos ta atendé e lugánan energétiko sensitivo òf doló físiko. E informashon almasená den e lugánan aki ta konektá ku nos kurpa emoshonal i ta pidi atenshon i konsiensia pa transformá òf laga bai. Mientras nos ta biaha dor di e kurpa i e energianan aki, mové nan, masahe nan i strek nan, nos ta laga bai e energia ku no ta sirbi mas i nos ta kura heridanan i doló.
Tokante Un Biahe
Sinti bo kómodo den e spasio, konektá ku bo rosea i skan bo kurpa ku konsiensia, ku toke i moveshon. Bai mas profundo den e puntonan di konsiensia mientras nos ta den biahe. Eksplorá e partinan aki den bo eksperensia di sentimentu, pa reflekshoná i libra energia, pa e flujo natural por move i bo sinti bon.
Somátiko/Soma ta tokante e kurpa, spesialmente en kontraste ku e mente. Mi ta usa e metodo di pandikulashon, un akshon kombiná di respirá hundu i strek, ku ta yuda spièrta e sistema nervioso i prepará e kurpa pa moveshon dor di kontraé, strek i relahá músculo. Sigui e mekániko di moveshon di kurpa for di un perspektiva kinesiológiko, ku strek i toke pa salú.
Konstruí riba e 7 segmentonan di Somatic Muscle Release di Hakim; laga bai tenshon den músculo ku masahe, pa laga bai e emoshon den e armaduranan di músculo di e kurpa.
Den un sesion di terapia somátiko nos ta:
* Skan e kurpa ku rosea konsiente
* Pensa i kontemplá riba bida
* Mové pa restaurá balansa i postura
* Strek e músculonan pa mihorá fleksibilidat
Durante un sesion di relahashon di músculo nos ta:
* Skan e kurpa ku rosea konsiente
* Strek e músculonan pa mihorá fleksibilidat
* Laga bai tenshon di músculo dor di masahe
* Integrá dor di reflekshoná i kontemplá
E sesionnan aki por wòrdu reservá pa un biaha úniko, unda nos ta trata un tema òf parti di kurpa spesífiko. Tambe pa un biahe mas largu, unda e tempu ku nos ta pasa huntu ta duna kada bes mas profundidat. Tantu terapia somátiko komo un sesion di relahashon di músculo ta un momentu ku bo ta regalá bo mes pa sinti bon. Si bo ke yama promé òf si bo tin un pregunta, tuma kontakto via e formulario abou. Mi ta spera di tende di bo.